Naat Sharif (Madina de bahar to sadeqa)
🕌 نعت شریف 🕌 مدینے دی بہار توں صدقے، میں یارِ غار توں صدقے جتھوں کدی لنگیا سی سوہنا، میں اُس بازار توں صدقے اک تیرا خلق وی سوہنا ، تے اک تیری بات وی پیاری اک تیرا دن وی روشن، تے اک تیری رات وی پیاری جگ نوں بچاؤن واسطے، لنگی تیری عمر وی ساری اک تُيوں رب دا حبیب، میں سوہنی سرکار توں صدقے مدینے دی بہار توں صدقے، میں یارِ غار توں صدقے اک تیرا حسن وی سوہنا ، تے اک تیری چال وی پیاری تیرے اصحاب وی سوہنے، تے اک تیری آل وی پیاری رب نوں مناؤن واسطے، لنگی تیری عمر وی ساری اک تُيوں دل دےقریب، میں تیرے ہر یار توں صدقے مدینے دی بہار توں صدقے، میں یارِ غار توں صدقے تیری سورۃ النجم وی سوہنی، تے تیری سورۃ قمر وی پیاری تیری سورۃ نور وی روشن، تے تیری سورۃ الحجر وی پیاری امت دی شفاعت واسطے، لنگی تیری عمر وی ساری اک تُيوں میری ايں امید، میں تیرے دربار توں صدقہ مدینے دی بہار توں صدقے، میں یارِ غار توں صدقے تیرا تے آقا رومی وی صدقے ، تے نالے اقبال وی صدقے (Written by Dr. Ali Saeed)